ಗೋಪೂಜೆ

💐🌺💐 #ದೀಪಾವಳಿ #ಹಬ್ಬದ #ಗೋಪೂಜೆ #ಎಂದರೆ #ಮನೆಮಂದಿಗೆಲ್ಲ #ಸಂಭ್ರಮ 💐🌺💐

🔹ದೀಪಾವಳಿ ಹಬ್ಬಕ್ಕೂ ಪ್ರಕೃತಿಗೂ ಅವಿನಾಭಾವವಾದ ಸಂಬಂಧವಿದೆ. ಪ್ರಕೃತಿಗೂ ಗೋವಿಗೂ ನಿಕಟ ಸಮಪರ್ಕವಿದೆ. ಈ ಕಾರಣದಿಂದಾಗಿ ದೀಪಾವಳಿಯ ಪಾಡ್ಯದಂದು ನಡೆಸುವ ಗೋಪೂಜೆ ಅತ್ಯಂತ ವಿಶೇಷ ಮಹತ್ವವನ್ನು ಪಡೆಯುತ್ತದೆ.

🔹“ಸರ್ವೆ ದೇವಾಃ ಸ್ಥಿತಾ ದೇಹೇ’ ಎಂಬಂತೆ ಗೋವಿನ ದೇಹದಲ್ಲಿ ಸರ್ವ ದೇವಾನು ದೇವತೆಗಳು ಸನ್ನಿಹಿತರಾಗಿದ್ದಾರೆ ಎಂದು ಭಾವಿಸುತ್ತದೆ ನಮ್ಮ ದೇಶದ ಸಂಸ್ಕೃತಿ. ದೀಪಾವಳಿಯ ಪಾಡ್ಯದಂದು ಬೆಳಗ್ಗೆ ಗೋಪೂಜೆ ಎಂದೇ ವಿಶೇಷ ಪೂಜೆ ಮಾಡುವುದು ಸಂಪ್ರದಾಯ. 

🔹ಮನೆ ದೇವರ ಪೂಜೆ ಮುಗಿಸಿದ ಬಳಿಕ ಸ್ನಾನ ಮಾಡಿಸಿ ಹೂಮಾಲೆ ಹಾಕಿ, ಮೈಮೇಲೆ ಜೇಡಿಮಣ್ಣಿನ ಮುದ್ರೆಗಳನ್ನು ಇರಿಸಿ ಶೃಂಗರಿಸಿ ತಿನ್ನಲು ಗೋಗ್ರಾಸವಿಟ್ಟು ಪೂಜೆ ಮಾಡುವುದು ರೂಢಿಯಲ್ಲಿದೆ. ಇದು ಒಂದು ವಿಧಾನದ ಗೋಪೂಜೆ. ಈಗ ಇದೇ ಕ್ರಮದ ಪೂಜೆಯನ್ನು ನಾವು ಸರ್ವತ್ರ ಕಾಣುತ್ತಿದ್ದೇವೆ.

🔸ದೀಪಾವಳಿ ಹಬ್ಬದ ಸಮಯದಲ್ಲಿ ಗೋಪೂಜೆ ಎಂದರೆ ಅದರ ಸಂಭ್ರಮವೇ ಬೇರೆ. ಮುಂಜಾನೆಯಿಂದಲೇ ಮನೆಯಲ್ಲಿ ಸಾಕಿದ ದನಕರುಗಳಿಗೆ ಸ್ನಾನವನ್ನು ಮಾಡಿಸಿ, ಅವುಗಳಿಗೆ ವಿಶೇಷ ಸಿಂಗಾರ ಮಾಡಲಾಗುತ್ತದೆ. ಹೂವಿನ ಮಾಲೆ, ಹಿಂಗಾರ, ಶ್ರೀಗಂಧ ಸೇರಿದಂತೆ ವಿಧವಿಧವಾಗಿ ಗೋವುಗಳನ್ನು ಸಿಂಗರಿಸಲಾಗುತ್ತದೆ.

🔸ಮಕ್ಕಳೆಲ್ಲ ಕರುಗಳಿಗೆ ಸ್ನಾನ ಮಾಡಿಸಿ ಅವುಗಳನ್ನು ಸಿಂಗರಿಸಿದರೆ, ಹಿರಿಯರು ಗದ್ದೆಗಳಲ್ಲಿ ಉಳುವ ಎತ್ತುಗಳಿಗೆ, ಹಸುಗಳಿಗೆ ಸಿಂಗಾರ ಮಾಡಿಸಿ ಬಳಿಕ ಮನೆಯ ಸ್ತ್ರೀಯರು ಸೇರಿ ಹಟ್ಟಿಯಲ್ಲಿನ ದನಗಳಿಗೆ ಆರತಿ ಬೆಳಗಿ ಶೋಬಾನೆ ಹಾಡುತ್ತಿದ್ದರು.

🔸ವಿಶೇಷ ತಿನಿಸುಗಳನ್ನು ನೀಡುತ್ತಿದ್ದರು. ಹಟ್ಟಿ ತುಂಬಾ ದನಗಳಿದ್ದು, ಅವುಗಳ ಪೂಜೆಗೆ ತುಂಬಾ ಸಮಯ ಹಿಡಿಯುತ್ತಿತ್ತು. ಆದರೂ ಸಂಭ್ರಮಕ್ಕೆ ಕೊರತೆ ಎನ್ನುವುದು ಇರಲಿಲ್ಲ. ಆದರೆ ಇಂದು ದನ, ಕರುಗಳು ಮನೆಗಳಲ್ಲಿ ಕ್ಷೀಣಿಸುತ್ತಾ ಹೋಗುತ್ತಿದೆ. ಹಾಗಾಗಿ ಗೋಪೂಜೆ ಅಪರೂಪವಾಗಿ ಕಾಣಿಸುತ್ತಿರುವುದು ಬೇಸರದ ಸಂಗತಿ. (ಮಾಹಿತಿ ಕೃಪೆ: ಸಂಗ್ರಹ)

🌹🙏🌹ವಂದೇ ಗೋ ಮಾತರಂ🌹🙏🌹

💐🌾🌱ಶುಭವಂದನೆಗಳು, ಶುಭದಿನ, ಶುಭಮಸ್ತು, ಸರ್ವೇ ಜನಾ ಸುಖೀನೋ ಭವಂತು🌱🌾💐