ಅಣಿಮಾ_ಮುಂತಾದ_ಎಂಟು_ಗುಣಗಳು

🌹 *[[ #*ಓಂ_ಶ್ರೀ_ಭಗವಾನ್_ಮಹಾವೀರ_ಸ್ವಾಮಿಯೇ_ನಮಃ ]]* 🌹

*#ಸಂಚಿಕೆ_791*

*#ಕರಣಾನುಯೋಗ*

*#ಊರ್ಧ್ವಲೋಕ*

*#ವೈಮಾನಿಕ_ದೇವತೆಗಳು*

*#ಏಕಭವತಾರಿ_ದೇವತೆಗಳು*

ತನ್ನ ಅಗ್ರ ಮಹಿಷೀ ಮತ್ತು ಲೋಕಪಾಲರ ಸಹಿತವಾಗಿ ಸೌಧರ್ಮ ಇಂದ್ರ , ಎಲ್ಲಾ ದಕ್ಷಿಣೇಂದ್ರರು , ಸರ್ವಾರ್ಥಸಿದ್ಧಿಯ ದೇವರು ಹಾಗೂ ಲೌಕಾಂತಿಕ ದೇವರು ನಿಯಮದಿಂದ ಏಕ ಭವತಾರಿಗಳಾಗಿರುತ್ತಾರೆ. ಎಂದರೆ ಅವರು ಸ್ವರ್ಗದಿಂದ ಚ್ಯುತರಾಗಿ ಮನುಷ್ಯರಾಗುತ್ತಾರೆ. ಮತ್ತು ಅದೇ ಭವದಲ್ಲಿ ಮುನಿಗಳಾಗಿ ಮೋಕ್ಷವನ್ನು ಹೊಂದುತ್ತಾರೆ.

*#ಅಣಿಮಾ_ಮುಂತಾದ_ಎಂಟು_ಗುಣಗಳು*

ಎಲ್ಲಾ ದೇವತೆಗಳಿಗೂ ವೈಕ್ರಿಯಿಕ ಶರೀರದ ನಿಮಿತ್ತದಿಂದ ಎಂಟು ಪ್ರಕಾರವಾದ ವಿಶೇಷ ಗುಣಗಳು ಇರುತ್ತವೆ. ಅವುಗಳೆಂದರೆ ಅಣಿಮಾ, ಮಹಿಮಾ, ಗರಿಮಾ, ಲಘಿಮಾ, ಈಶತ್ವ, ವಶಿತ್ವ, ಪ್ರಾಪ್ತಿ ಮತ್ತು ಪ್ರಕಾಮ್ಯ.

*#ಅಣಿಮಾ*

ತನ್ನ ಶರೀರವನ್ನು ಅಣುವಿನಂತೆ ಚಿಕ್ಕದನ್ನಾಗಿ ಮಾಡಿಕೊಳ್ಳುವ ಸಾಮಾರ್ಥ್ಯಕ್ಕೆ ಅಣಿಮಾ ಎನ್ನುವರು.

*#ಮಹಿಮಾ*

ಶರೀರವನ್ನು ಮೇರುವಿನಂತೆ ವಿಶಾಲವನ್ನಾಗಿ ಮಾಡಿಕೊಳ್ಳುವ ಸಾಮರ್ಥ್ಯಕ್ಕೆ ಮಹಿಮಾ ಎನ್ನುವರು.

*#ಗರಿಮಾ*

ಶರೀರವನ್ನು ವಜ್ರದಂತೆ ಭಾರವನ್ನಾಗಿ ಮಾಡಿಕೊಳ್ಳುವ ಸಾಮರ್ಥ್ಯಕ್ಕೆ ಗರಿಮಾ ಎನ್ನುವರು.

*#ಲಘಿಮಾ*

ಶರೀರವನ್ನು ಭಾರ ರಹಿತವನ್ನಾಗಿ ಮಾಡಿಕೊಳ್ಳುವ ಸಾಮರ್ಥ್ಯಕ್ಕೆ ಲಘಿಮಾ ಎನ್ನುವರು.

*#ಈಶತ್ವ*

ಜಗತ್ತಿನಲ್ಲೆಲ್ಲಾ ಪ್ರಭುತ್ವ ಹೊಂದುವ ಸಾಮರ್ಥ್ಯಕ್ಕೆ ಈಶತ್ವ ಎನ್ನುವರು.

*#ವಶಿತ್ವ*

ಸಮಸ್ತ ಜೀವರನ್ನೂ ವಶಪಡಿಸಿಕೊಳ್ಳುವ ಸಾಮರ್ಥ್ಯಕ್ಕೆ ವಶಿತ್ವ ಎನ್ನುವರು.

*#ಪ್ರಾಪ್ತಿ*

ಭೂಮಿಯಲ್ಲಿದ್ದುಕೊಂಡು ಬೆರಳಿನ ತುದಿಯಿಂದ ಸೂರ್ಯ ಚಂದ್ರ ಮುಂತಾದವರನ್ನು ಸ್ಪರ್ಶಿಸುವ ಸಾಮರ್ಥ್ಯಕ್ಕೆ ಪ್ರಾಪ್ತಿ ಎನ್ನುವರು.

*#ಪ್ರಾಕಾಮ್ಯ*

ಜಲದಂತೆ ಭೂಮಿಯಲ್ಲಿ ಮತ್ತು ಭೂಮಿಯಂತೆ ನೀರಿನಲ್ಲಿ ಗಮನ ( ಸಂಚರಿಸುವ ) ಮಾಡುವ ಸಾಮರ್ಥ್ಯಕ್ಕೆ ಪ್ರಾಪ್ತಿ ಎನ್ನುವರು.

ಎಲ್ಲ ದೇವತೆಗಳು ಮೇಲಿನ ಎಂಟು ಪ್ರಕಾರದ ಶಕ್ತಿಗಳನ್ನು ಉಪಯೋಗಿಸಿಕೊಂಡು ಜೀವನ ಪರ್ಯಂತ ಇಂದ್ರಿಯ ಸುಖವನ್ನು ಅನುಭವಿಸುತ್ತಿರುತ್ತಾರೆ.

*#ಮುಂದುವರೆಯುತ್ತದೆ...*