ಬೀಜಮವ್ಯಯಮ್

🌹🔔🕉🔔🌹

*||ಶ್ರೀ ವಿಷ್ಣುಸಹಸ್ರನಾಮ||*

*||श्री विष्णुसहस्रनाम||*

******************

*ಚಿಂತನೆ ॐ ನಾಮ - 429*

*भावनम् ॐ नामन् - 429*

******************

*ಬೀಜಮವ್ಯಯಮ್:*

*बीजमव्ययम्:*

******************

*ॐ श्री ಬೀಜಮವ್ಯಯಾಯ ನಮ:*

*ॐ श्री बीजमव्ययाय नमः*

****************

ಬೀಜಮವ್ಯಯಮ್: = ಭಗವಂತ.

ಬೀಜ + ಅವ್ಯಯ = ಬೀಜಮವ್ಯಯಮ್.

ಬೀಜ = ಉಗಮಸ್ಥಾನ, ಸತ್ಯ, ಕಾರಣ, ಹೇತು, ಉತ್ಪತ್ತಿ, ತತ್ವ, ಮೂಲಕಾರಣ, ಬೀಜ, ಧಾನ್ಯ, ಕಾಳು, ಹಣ್ಣಿನ ತಿರುಳು, ಅನ್ನ, ಆಹಾರ, ದೇಹದೊಳಗಿನ ಸಾರ, ಇತ್ಯಾದಿ., 

ಅವ್ಯಯ = ನಾಶವಾಗದ, ಶಾಶ್ವತವಾದ, ಖರ್ಚಿಲ್ಲದ, ವ್ಯತ್ಯಾಸಹೊಂದದ, ವ್ಯಯವಿಲ್ಲದ, ಹಾಳಾಗದ, ಶಾಶ್ವತವಾದ ಫಲವನ್ನು ಕೊಡುವ, ಅವ್ಯಯ, ವಿಕಾರ ರೂಪವನ್ನು ಹೊಂದದಿರುವ, ಇತ್ಯಾದಿ., 

ಭಗವಂತ ಎಂದೂ ವಿಕಾರಗೊಳ್ಳದ, ನಾಶವಾಗದ ಬೀಜ. ಈ ಜಗತ್ತು ಭಗವಂತನೆಂಬ ಬೀಜದಿಂದಲೇ ಹುಟ್ಟಿ ಬಂತು. ಆದರೆ ಆ ಬೀಜ ಜಗತ್ತಾಗಿ ವಿಕಾರಗೊಂಡ ಬೀಜವಲ್ಲ. ಭಗವಂತನಿಂದ ಈ ಪ್ರಪಂಚ ಅಭಿವ್ಯಕ್ತವಾಯಿತೇ ಹೊರತು ಭಗವಂತ ಪ್ರಪಂಚವಾಗಿ ರೂಪಾಂತರಗೊಂಡಿದ್ದಲ್ಲ‌. ಈ ಪ್ರಪಂಚ ಆತನ ಶರೀರವಲ್ಲ. ಜ್ಞಾನಾನಂದಮಯನಾದ ಭಗವಂತ ಈ ಪ್ರಪಂಚದ ಮೂಲಕಾರಣ ಹಾಗು ಧಾರಕ ಶಕ್ತಿ. ಹೀಗೆ ಅಳಿವಿರದ, ವಿಕಾರಗೊಳ್ಳದ ಜಗದ ಮೂಲ ಕಾರಣ ಭಗವಂತ "ಬೀಜಮವ್ಯಯಮ್". 

ಶ್ರೀಮದ್ಭಗವದ್ಗೀತೆ: 9-18:

"ಗತಿರ್ಭರ್ತಾ ಪ್ರಭು: ಸಾಕ್ಷೀ ನಿವಾಸ: ಶರಣಂ ಸುಹೃತ್|

ಪ್ರಭವ: ಪ್ರಲಯ: ಸ್ಥಾನಂ ನಿಧಾನಂ ಬೀಜಮವ್ಯಯಮ್||" 

ಈ ಜಗತ್ತಿಗೆ ನಾನೇ ಗತಿ. ಅದರ ಭರಣ ಮಾಡುವವನು, ಪ್ರಭು ಮತ್ತು ಸಾಕ್ಷಿಯು ನಾನೇ. ಜಗತ್ತಿಗೆ ನಿವಾಸಸ್ಥಾನವು, ಆಶ್ರಯದಾತನು, ಆಪ್ತನು, ಉತ್ಪತ್ತಿ-ಸ್ಥಿತಿ-ಪ್ರಳಯಕಾರನೂ, ಮತ್ತು ನಾನೇ ಶಾಶ್ವತವಾದ ಬೀಜ. 

ಭಗವಂತನಿಗೆ ಅನ್ಯತಾಭಾವವು (ಭಾವಾಂತರವು) ಇಲ್ಲವಾದುದರಿಂದ ಅವನು ಜಗತ್ತಿಗೆ ನಾಶರಹಿತವಾದ ಕಾರಣನಾಗಿ ಇರುವನು. ಆದುದರಿಂದ ಭಗವಂತನನ್ನು "ಬೀಜಮವ್ಯಯಮ್" ಎಂದು ಕರೆಯುತ್ತಾರೆ. 

ಜಗತ್ತಿಗೆ ಅವಿನಾಶಿಯಾದ ಕಾರಣ ಸ್ವರೂಪಿಯು; 

ಜಗತ್ತಿಗೆ ನಾಶರಹಿತವಾದ ಕಾರಣನಾಗಿ ಇರುವವನು; 

ಜ್ಞಾನಿಗಳಿಂದ ಹೊಂದಲ್ಪಡುವವನು; 

ಶುಭವಿಧಿಗಳಿಂದ ಯುಕ್ತನಾದವನು; 

ವ್ಯಾಸಾದಿರೂಪನಾದ ಯಾವನಿಂದ ಜ್ಞಾನವು ಉಂಟಾಗುತ್ತದೆಯೋ - ಅವನು; 

ಕಲಿಯುಗದ ಕೊನೆಯಲ್ಲಿ ಧರ್ಮವನ್ನು ಮತ್ತೆ ಮತ್ತೆ ಬೆಳೆಸುವುದರಿಂದ ಅವಿನಾಶಿಯಾದ ಧರ್ಮಕಾರಣನು; 

ವ್ಯಂಜಕನಾದವನು; 

ನಾಶವಾಗದ ಮೂಲ ಕಾರಣನು; 

ಜಗತ್ತಿನ ಅಭಿವ್ಯಕ್ತಿಗೆ ಕಾರಣನಾಗಿ ಇರುವವನು; 

ನಿರ್ವಿಕಾರನಾಗಿ ಇರುವವನು; 

ಜಗತ್ತೆಂಬ ವೃಕ್ಷಕ್ಕೆ ಬೀಜವಾಗಿ ಇರುವವನು; 

ನಾಶವಾಗದ ಬೀಜದಂತಹವನು; 

ಆದುದರಿಂದ ಭಗವಂತನಿಗೆ "ಬೀಜಮವ್ಯಯಮ್" ಎಂದು ಹೆಸರು. 

"ಯೋ ವೈ ಕಲಿಯುಗಸ್ಯಾನ್ತೇ ಮುಹುರ್ಧರಮಪ್ರರೋಹಣಮ್|

ಕರೋತಿ ಭಕ್ತರಕ್ಷಾರ್ಥಂ ಸೋಚ್ಯತೇ ಬೀಜಮವ್ಯಯಮ್||" 

ನಾಮಧೇಯಗಳನ್ನು ಚತುರ್ಥೀವಿಭಕ್ತ್ಯಂತವನ್ನಾಗಿ ಮಾಡಿ ಅವುಗಳ ಮುಂದೆ *"ನಮ:"* ಎಂಬ ಶಬ್ದವನ್ನು ಸೇರಿಸಿ ಪೂಜೆಗೂ, ಅರ್ಚನೆಗೂ ವಿನಿಯೋಗಿಸಿಕೊಳ್ಳುವಾಗ ಈ ನಾಮವನ್ನು 

*"ಓಂ ಅವ್ಯಯಾಯ ಬೀಜಾಯ ನಮ:"* ಎಂದು ಪಠಿಸುವ ಪಾಠವೂ ಇರುತ್ತದೆ. 

******************

ಶ್ರೀಕೃಷ್ಣಾರ್ಪಣಮಸ್ತು.

श्रीकृष्णार्पणमस्तु.

||ಸರ್ವೇ ಜನಾ: ಸುಖಿನೋ ಭವಂತು||

||सर्वे जना: सुखिनो भवंतु||

||ನಾಹಂ ಕರ್ತಾ ಹರಿ: ಕರ್ತಾ:||

||नाहं कर्ता हरि: कर्ता:||

******************

ಸಂಗ್ರಹ/संग्रह/Collection.

ವಿಜಯೇಂದ್ರ ರಾಮನಾಥ ಭಟ್. 

ಶಿವಮೊಗ್ಗ. Shivamogga.

****************

*12-06-2020.*

****************

🌹🔔🕉🔔🌹