ದೈವಿಕ ವಿಚಾರಗಳು: ಕೃಷ್ಣ ನಿರ್ಯಾಣ ಕಾಲ

Monday, 25 May 2020

#ಮಹಾತಾಯಿ

*ಕೃಷ್ಣ ನಿರ್ಯಾಣ ಕಾಲದಲ್ಲಿ ಕಾಲಿನ ಹೆಬ್ಬೆರಳಿಗೆ ತಗುಲಿದ ಶರತಾಪಕ್ಕೆ ನಲುಗಿ ಅಮ್ಮಾ ಎಂದು ಅರಚಿದನಂತೆ.

ತಕ್ಷಣವೇ ಮೂರು ಜನ ಓಡೋಡುತ್ತಾ ಬಂದು ಎದುರು ನಿಂತರಂತೆ

*ಜನ್ಮ ನೀಡಿದ ದೇವಕಿ

*ಸಾಕಿ ಸಲಹಿದ ಯಶೋಧೆ

ಮತ್ತು

ಮೈತುಂಬ ವಿಷ

ಎದೆ ತುಂಬಿದ ಹಾಲು

ಹೊತ್ತಿದ್ದ

*ಆ ಪೂತನಿ.

ಉಳಿದಿಬ್ಬರಿಗೂ ಅಚ್ಚರಿ ಪೂತನಿಯ ಕಂಡು

*ದೇವಕಿ ಜನುಮ ನೀಡಿದಾಕೆ

*ಯಶೋಧೆ ಲಾಲಿಸಿ ಪಾಲಿಸಿದಾಕೆ

ಅಂದು ಕೊಲ್ಲಲು ಬಂದವಳು ಈಗೇಕೆ??

ಸಾವ ಕಾಣಲು ಬಂದಳೆ?

*ಪೂತನಿ ನೊಂದು ನುಡಿದಳಂತೆ

ನೀವಿಬ್ಬರೂ ಆತನ ಹುಟ್ಟಿಸಿ ಬೆಳೆಸಿದವರು

ಆದರೆ

ಆತ

ನನ್ನ ಎದೆಯೊಳಗಿನ

ವಿಷ ಹೀರಿ

ನನ್ನೊಳಗೆ ತಾಯಿಯನ್ನು ಹುಟ್ಟಿಸಿದವನು

ಹುಟ್ಟಿಸಿ, ಪಾಲಿಸಿ ತಾಯಾಗುವುದು ಸಹಜ

ಆದರೆ

#ಮಗುವಿನಿಂದ #ತಾಯಾಗಿ #ಹುಟ್ಟುವುದು #ವಿಶೇಷ.

*ನನ್ನನ್ನು ತಾಯಾಗಿ ಹುಟ್ಟಿಸಿದ ಮಗ ಕರೆದಾಗ ಬರದಿರಲಾದೀತೆ ಎಂದಳಂತೆ"

ಇಂದು #ವಿಶ್ವ_ಅಮ್ಮಂದಿರ_ದಿನ ಅಂತೆ

ಹೀಗೇ ನೆನಪಾದ ಸಾಲುಗಳು.

🙏 ಶ್ರೀ ಕೃಷ್ಣಾರ್ಪಣಮಸ್ತು 🙏

🌲🌲🌲🌹🌹🌹🌹🌲🌲🌲

ದೈವಿಕ ವಿಚಾರಗಳು